FIDE Namizədləri Turniri bu gün (19 aprel 2021-Bazar ertəsi günü) qaldığı yerdən davam edəcək və 19-28 aprel 2021-ci il tarixlərində Rusiyanın Yekaterinburq şəhərində oynanılacaq. Qalib, 2021-ci ilin noyabr ayının sonunda Dubayda hazırkı dünya çempionu Maqnus Karlsenlə matça çıxacaq.
FIDE Namizədləri Turnirinə dair mətbuat konfransı 13 aprel tarixində Moskvada, “Rossiyskaya Gazeta” Media Mərkəzində FIDE Prezidenti Arkadi Dvorkoviç, şahmat üzrə vitse-dünya çempionu Anatoli Karpov, 2016 FIDE Namizədlər turnirinin qalibi Sergey Karyakin və namizədlər turnirinin direktoru Albert Stepanyanın iştirakı ilə keçirilib.
FIDE prezidenti Arkadi Dvorkoviç turnirin bərpasını gözlədikləri üçün şahmatsevərlərə və mediaya təşəkkür etdi. Tədbirin hansı tibbi protokollar altında davam etdiriləcəyini izah etdi. Tamaşaçıların maska geyinmək və sosial məsafəni qorumaq kimi bəzi tələblərlə turnirə buraxılacağını vurğuladı. Tamaşaçılar ya vaksin olunmuş olmalı, ya da koronavirus infeksiyası üçün mənfi test nəticəsi olmalıdır.
Eks-dünya çempionu Anatoli Karpov tədbirin təşkilinin sərhədlərin açılmasını gözləməsinin lazım olduğunu və şahmat tacı uyğunda matçda Maqnus Karlsenin rəqibinin adını həyəcanla gözlədiyini vurğuladı.
2016-cı ildə namizədlər turnirinin qalibi olan Sergey Karyakin turnirin davamını görməyi çox istədiyini və hər şeyin rahat keçəcəyini düşündüyünü vurğuladı.
Qeyd edək ki, Covid19 pandemiyasına qarşı genişləndirilmiş profilaktik tədbirlərə görə Namizədlər turniri keçən ilin mart ayında turnirin yarısında-7 turdan sonra yarımçıq dayandırılmışdı. Bu gün qaldığı yerdən davam edək yarışda ilk 7 turun nəticələri etibarlı olacaq.
Yarışın rəsmi internet səhifəsi: https://en.candidates-2020.com/
Xatırladaq ki, həmyerlimiz Teymur Rəcəbov namizədlər turnirinə vəsiqə qazansa da mövcud şəraitdə yarışda oynamaqdan imtina etmişdi. Buna səbəb FIDE ilə fikir ayrılığı yaşayan Teymurun yarışın təxirə salınması tələbinə ali şahmat qurumu imtina qərarı verməsi idi. Lakin sonradan FIDE Teymurla bu barədə razılığa gələrək növbəti namizədlər turnirinə birbaşa vəsiqə vədi verdi.
Şəkillər FIDE-yə məxsusdur. Materiallar https://www.europechess.org/ səhifəsindən götürülmüşdür.